Pantun memileq pemimpin

Klem ahad tlu bulan tlu due iyu tlu olas


Timun bawang te daos daos
Nanas sukun talet bedereq dereq
Lamun tyang lueq raos
Tunas ampun saq bleq bleq

piyaq sentauq siq lolon srikaye
Gawah senang te gaet nangke
Tipaq selapuq calon pemimpinte
Kalah menang aget pade rede rede

Turun begawah leq oloh swele
Tejau'an pindang teragin siq bagek sie
Lamun ite wah istiharoh bedo'e
Mudahan te ican pemimpin siq mule ye ne

beli buluan leq dasan tapen
Nanas tejauq joq mandalike
Sendeqman tepade memilen
Tunas petunjuq joq saq kuase

Julun sekolah te talet duren
Te jauq melawat joq gawah sekaroh
Lamun susah laloq pade milen
Silaq tepade sholat istiharoh

beli pelisaq leq peken sikur
Beregaq regaan kance batur
Kari semendaq te milen gubernur
Mudahan aman dait tetep teratur